آتامون خییرلی الی

بیر وارودو بیر یوخودو

قارونلار آج

گونول لو آمما توخودو

قوروای درجزینده

بیر یاقچو کیشی وارودو

اونون آدو فتحعلی دی

خییرلی اونون الیدی

حشمت اوغلو فتحلی

نومورتا ییقر دی

کندلردن سبدلرده نومورتا گتیرردیله

فتحلی اولارو آلاردو

اولارو صامانونان صاندوقلارا دولدوراردو

هر نچه گوندنبیر

کامیونونان اونلارو تهرانا گوندرردی

فتحلی دری آلاردو

کندلردن قصابلار اونا داوارلارون دریلرین گتیرردیله

اونلارو فتحلی دوزلاردو

باقور ساخلارون تمیزلردی

اونلارو همدانا و یا تهرانا ساتاردو

حسن بابو کورکنی فتحعلی

قوروادا خالو آلاردو

هامودان بویوک خالو تاجری اویودو

هر نچه گوندن بیر بیر نیسان همدانا خالو گوندرردی

قوروالو حشمت اوغلو فتحعلی

چولو ده چوخ ایستردی

چوخ ایستردی ییرلری آباد ایلیه

آغشاملار موتورو مینردی

چوله گدردی

فتحعلی نین مرغداروسو وارودو

بیویوک بیر مرغدارو

گجه لر گدردی مرغدارویا

حشمت اوغلو فتحعلی کتاب اوخوماقو چوخ ایستردی

چوخ قوی حافظه سی وارودو

هر مطلبی بیر دفعه اوخوسایدو

اونو یادوندا ساخلاردو

ماشین حسابدان تزتر عددلرین جمعین و یا ضربین دییردی

قوروادا دییردیله

حشت اوغلو فتحعلی نین الی خییرلی دی

بیرامدا هر ییردن گلردیله

فتحعلی دن دشت آلاردولا



/ 0 نظر / 8 بازدید