حالا سنی سویرم

سنین آدونو   دویاندا  ٬اِشیدنده

اورگیم  دویقولاندو ٬تتَردی

گوزل بیر دویقو٬ اسرار لی بیر احساس

سنین آدون منه وردی

آخ! نه گوزلدی سِو مک

آخ نه گوزلدی سنین کیمی  سوگیلیمی گورمک

بیر دونیا حوسله باخودم سنه

 

سنه باخاندا!

بیر گوزل احساس بولاغی کیمین ٬ جوشدوم ٬ آخدوم

من آُزومو وارلو   و یار لو 

سنین عشق ایله اوزومو باش اوجا

 

                   وقارلو گوردوم

اوزومو داغلار کیمی عشقیمده استقامتلی 

سنه با خدوم

سنه باخدوم

                سنی دیندیم و سنی دیندیردیم

               سنی اوپدوم   سنه گویندن اولدوز لاری اَندیردیم

سنی ایناندوم

سنی قاندوم

بیر گونش کیمین ایشیقلندیم  ٬یاندوم

من سنه حالا عاشقم

من سنین عشقینه حالا لایقم

سنی اونوتمام سنی یادومدان چاخارتمام!

سنی یادومدان چاخارتمام

سنی آتمام

سنین عشقین یادلارا ساتمام

من سنین عشق ایله آننام تاپدوم

من سنین  عشقینی  گویلرده قاپدوم

حالا سنی سویرم

حالا سنی سویرم!

/ 2 نظر / 37 بازدید
عزیزیان

سلام لار چوخ گوزل تورکی شعرلر یازیب سیز . چوخ به یندیم یاشا

عزیزیان

سلام لار منیم عزیز دیلداشیم چوخ گوزل تورکی شعرلر یازیب سیز اوخودوم چوخ خوشوما گلدی یاشا